Si funksionon procesi i blerjes

Terren ofron mjete për të menaxhuar gjithë rrugëtimin e blerjes — nga interesi i parë te kontakti me shitësin, kërkesa për vizitë dhe historiku i bisedave. Kjo faqe shpjegon si funksionon secili hap.

Kontaktimi i shitësit

Kur gjeni një pronë që ju intereson, mund të kontaktoni shitësin duke përdorur formularin “Dërgo mesazh” në faqen e detajeve të pronës.

Para se të dërgoni mesazh për herë të parë, do t'ju kërkohet të regjistroheni ose të hyni në llogarinë tuaj. Pas kësaj:

• Çdo mesazh ruhet në një bisedë të dedikuar për atë pronë
• Shitësi merr njoftim brenda platformës dhe me email
• Të dyja palët mund ta vazhdojnë bisedën në çdo kohë nga /buyer/inquiries

Numri i telefonit dhe WhatsApp-i i shitësit janë gjithmonë të dukshëm te kartela e kontaktit, nëse shitësi ka zgjedhur t'i ndajë. Klikimi mbi numrin ose ikonën e WhatsApp-it regjistrohet për matje: shitësi sheh sa klikime mori prona e tij, por jo kush i bëri.

Kërkesa për vizitë

Për të organizuar një vizitë në pronë, klikoni “Kërko vizitë” në faqen e detajeve të pronës. Hapet një dritare ku mund të:

• Zgjidhni datën (jo më herët se dita e sotme)
• Zgjidhni orën
• Shtoni një mesazh opsional (deri në 500 karaktere) për shitësin

Vizita kalon në listën tuaj te /buyer/viewings me statusin “Në pritje”. Shitësi merr njoftim dhe mund:

• Ta pranojë datën dhe orën që propozuat
• Të mos e pranojë dhe të propozojë një alternativë
• Ta refuzojë me arsye

Disa listime tregojnë “Disponueshmërinë e vizitave” (p.sh. “vetëm fundjavë”, “me caktim paraprak”) — kjo është një orientim nga shitësi, jo një kufizim teknik.

Komunikimi me shitësin

Të gjitha bisedat tuaja gjenden te /buyer/inquiries. Çdo bisedë lidhet me një listim specifik dhe një shitës specifik. Mund të:

• Shihni numrin e mesazheve të palexuara me një tregues në sidebar
• Arkivoni bisedat e mbyllura (ato nuk fshihen, vetëm hiqen nga lista aktive)
• Riktheheni te çdo bisedë në çdo moment

Mesazhet ruhen përgjithmonë; asnjë mesazh nuk fshihet automatikisht (përveç fshirjes nga ana e administratorit në rast sjelljeje të parregullt — shih faqen Si moderojmë listimet).

Ruajtja e listimeve të parapëlqyera

Ikona e zemrës mbi çdo listim ju lejon ta ruani për më vonë. Nuk keni nevojë për llogari — listimet ruhen në pajisjen tuaj. Sapo të regjistroheni, ato kopjohen automatikisht në llogarinë tuaj dhe mund t'i shihni nga çdo pajisje te /buyer/saved-listings.

Krahasimi i pronave

Mund të zgjidhni deri në 3 pronapër t'i krahasuar krah për krah. Klikoni “Krahaso” në kartelën e çdo prone; pasi të keni zgjedhur 2 ose 3, klikoni “Shiko krahasimin” për të hapur faqen /krahaso-prona me një tabelë të plotë.

Krahasimi përfshin: çmimin për metër katror, sipërfaqen, dhomat, banjat, vendndodhjen, shitësin dhe veçoritë kryesore (parkim, tarracë, ngrohje etj.).

Llogaria juaj si blerës

Llogaria juaj te /buyer ofron:

• Dashboard — pamje e shpejtë e listimeve të ruajtura, bisedave aktive, vizitave të ardhshme dhe njoftimeve të reja
• Listimet e ruajtura — të gjitha pronat e parapëlqyera nga ju
• Bisedat — të gjitha kontaktet me shitësit, të ndara në “Aktive” dhe “Të arkivuara”
• Vizitat — vizitat e ardhshme dhe historiku
• Kërkimet e ruajtura — me njoftime për listime të reja që përputhen
• Profili — emri, email-i, telefoni dhe preferencat e komunikimit

Vlerësimi i agjentëve

Aktualisht, sistemi i vlerësimit publik të agjentëve nuk është aktiv. Kur të aktivizohet, vetëm blerësit me transaksione të konfirmuara do të mund të lënë një vlerësim — për të mbrojtur sistemin nga vlerësimet e rreme.

Çfarë nuk bëjmë

• Nuk i shesim të dhënat tuaja për reklama nga palë të treta
• Nuk i tregojmë shitësit kur shikoni një listim pa e kontaktuar (privatësia e shfletimit tuaj)
• Nuk e detyrojmë regjistrimin për shfletim — vetëm për ruajtje, kontakt dhe vizita